کراچی، تھانے میں گرفتار نوجوانوں سے غیر انسانی سلوک اور تصاویر وائرل ہونے پر ایس پی نے نوٹس لے لیا

شہر قائد میں ایس پی انویسٹی گیشن ڈسٹرکٹ سینٹرل انعم تجمل نے تیموریہ تھانے گرفتار نوجوانوں سے مبینہ غیر انسانی سلوک اور ہتھکڑیاں لگی کندھوں میں ڈنڈے پھنسا کر ازیت دینے کی تصاویر سوشل میڈیا پر وائرل ہونے کا نوٹس لیتے ہوئے تیموریہ تھانے کے تفتیشی افسر کو معطل کر دیا۔ انھوں نے واقعے کی انکوائری ایس ڈی پی او گلبرگ کو سونپ دی ہے جس کی رپورٹ کے بعد مزید محکمہ جاتی کارروائی عمل میں لائی جائیگی۔ تیموریہ تھانے میں لڑائی جھگڑے کے درج مقدمے میں گرفتار نوجوانوں کی تذلیل اور غیر انسانی سلوک کے حوالے سے سوشل میڈیا پر تصاویر وائرل ہونے پر شہری حلقوں کی جانب سے بھی انویسٹی گیشن پولیس کو شدید تنقید کا نشانہ بنایا گیا ۔