پشاور، تھانے پر دہشتگردوں کا حملہ، پولیس کی بروقت کارروائی

متنی تھانے پر دہشت گردوں نے حملہ کیا تاہم پولیس نے حملے کو پسپا کردیا تاہم فائرنگ کا تبادلہ جاری ہے۔ پولیس کے مطابق پشاور کے متنی تھانے پر دہشت گردوں نے حملہ کیا جبکہ پولیس نے جوابی کارروائی کرتے ہوئے حملہ پسپا کر دیا۔ پولیس نے بتایا کہ پولیس اور دہشت گردوں کے درمیان فائرنگ کا تبادلہ جاری ہے۔ اس سے قبل پشاور کے تھانہ بڈھ بیر پرنامعلوم افراد نے دستی بم حملہ کیا جہاں نامعلوم افراد ہینڈ گرنیڈ پھینک کر فرار ہو گئے۔ پولیس نے بتایا کہ اس واقعے میں ایک کانسٹیبل زخمی ہوا ہے۔