موٹروے ایم ٹو پر کلر کہار کے قریب بس اور کار کے درمیان تصادم، 5 افراد زخمی

موٹروے ایم ٹو پر کلر کہار کے قریب بس اور کار کے درمیان حادثہ پیش آیا جس کے نتیجے میں ایک شخص شدید جبکہ چار افراد معمولی زخمی ہو گئے۔ ترجمان موٹروے پولیس کے مطابق اطلاع ملتے ہی پولیس فوری طور پر موقع پر پہنچ گئی اور زخمیوں کو ٹراما سینٹر کلر کہار منتقل کر دیا گیا۔ ابتدائی معلومات کے مطابق حادثہ کار کا ٹائر پھٹنے کے باعث پیش آیا، جس کی وجہ سے گاڑی اچانک دوسری لین میں داخل ہو گئی اور بس سے ٹکرا گئی، جبکہ بس کراچی سے مانسہرہ جا رہی تھی، مزید کارروائی جاری ہے۔