لاہور: تھانہ مزنگ کے علاقے میں ایک نوجوان کی پھندا لگی لاش برآمد

تھانہ مزنگ کے علاقے میں ایک نوجوان کی پھندا لگی لاش ملنے کا واقعہ پیش آیا، جس کی اطلاع ملتے ہی پولیس فوری طور پر موقع پر پہنچ گئی۔ پولیس کے مطابق ابتدائی تفتیش میں معلوم ہوا ہے کہ عثمان بھٹی نامی نوجوان زیرِ علاج تھا، جبکہ اہلِ خانہ کا کہنا ہے کہ وہ اس سے قبل بھی دو مرتبہ خودکشی کی کوشش کر چکا تھا۔ پولیس نے لاش کو تحویل میں لے کر پوسٹ مارٹم کے لیے ہسپتال منتقل کر دیا ہے اور جائے وقوعہ سے شواہد اکٹھے کر لیے گئے ہیں۔ حکام کے مطابق مختلف پہلوؤں سے تحقیقات جاری ہیں۔ چوہدری اثر علی کے مطابق واقعے میں کسی قسم کے تشدد کے شواہد نہیں ملے، جبکہ ابتدائی طور پر خودکشی کا شبہ ظاہر کیا جا رہا ہے۔