فرانس کے شہر لیون میں ہفتے کو سی سی ٹی وی کیمروں نے زیورات کی ایک دکان پر حملے اور لوٹ مار کے مناظر ریکارڈ کیے ہیں۔

ملک بھر میں اشیائے ضروریہ کی بڑھتی قیمتوں اور عوامی خدمات میں کمی کے خلاف مظاہرے ہنگامہ آرائی میں تبدیل ہو گئے۔

لوٹ مار کرنے والوں نے کومال جیولری شاپ کے شیشے توڑ دیے، جس کے بعد وہ درازوں میں سامان تلاش کرتے، نمائش کے لیے رکھے گئے زیورات اور دیگر اشیا کو بکھیرتے اور قیمتی سامان اٹھا کر لے جاتے دکھائی دیے۔

یہ نقصان کئی ہفتوں سے جاری طلبہ کی قیادت میں ہونے والے مظاہروں کے بعد سامنے آیا، جو فرانس کے کئی شہروں میں تشدد اور لوٹ مار پر منتج ہوئے۔

یہ واقعات گذشتہ کئی برسوں کے دوران ملک میں ہونے والی بدترین ہنگامہ آرائی میں شمار کیے جا رہے ہیں۔

تجارت اور ریٹیل کے شعبے کی فیڈریشن کے مطابق ہفتے کے اختتام پر ملک بھر میں تقریباً 3,000 دکانیں متاثر ہوئیں جبکہ حکومت کو امن و امان برقرار رکھنے میں ناکامی پر تنقید کا سامنا کرنا پڑا۔