سرد موسم میں سسر اور داماد کی باربی کیو پارٹی، تصاویر سوشل میڈیا پر وائرل

سابق قومی کپتان شاہد خان آفریدی کی اپنے داماد فاسٹ بولر شاہین شاہ آفریدی کے ساتھ باربی کیو  پارٹی کی تصاویر سوشل میڈیا پر وائرل ہوگئیں۔ شاہد آفریدی نے اپنے داماد شاہین آفریدی کے ہمراہ باربی کیو پارٹی کی تصاویر اپنے سوشل میڈیا اکاؤنٹ پر شیئر کیں، تصاویر میں دونوں کرکٹرز کو سرد موسم میں باربی کیو سے لطف اندوز ہوتے ہوئے دیکھا جا سکتا ہے۔ تصاویر میں خاندانی ماحول اور باہمی قربت نمایاں نظر آئی جسے مداحوں کی جانب سے خوب سراہا جا رہا ہے۔ https://www.facebook.com/ShahidAfridiOfficial10/posts/warta/1419345799559944/ شاہین شاہ آفریدی اس وقت گھٹنے کی انجری کے باعث ری ہیب کے مرحلے سے گزر رہے ہیں۔ انہوں نے اعلان کیا ہے کہ آئندہ ہفتے سے بولنگ کا دوبارہ آغاز کریں گے۔ شاہین کی صحت یابی اور شاہد آفریدی کے ساتھ ان کے خوشگوار لمحات کی یہ تصاویر مداحوں میں خاصی مقبول ہو رہی ہیں اور سوشل میڈیا پر مختلف تبصروں اور نیک خواہشات کا سلسلہ جاری ہے۔