باجوڑ سلارزئی میں پولیس پوسٹ اور حجام کی دکان پر بم حملے

باجوڑ کی تحصیل سلارزئی میں پولیس پوسٹ پر خوارج نے حملہ کیا جبکہ حجام کی دکان کو اڑا دیا گیا تاہم کوئی جانی نقصان نہیں ہوا۔ پولیس ڈی ایس پی جمال شاہ کے مطابق تحصیل سلارزئی کے متہ شاہ پولیس پوسٹ پر خوارج نے ہینڈ گرنیڈ سے کیا جس کے بعد دہشت گرد فرار ہو گئے حملے میں کوئی جانی نقصان نہیں ہوا۔ اسی طرح تحصیل سلارزئی ہی کے علاقے تلی میں رات گئے حجام کی دکان میں بھی دھماکا کیا گیا، دھماکے سے تین دکانوں کو جزوی نقصان پہنچا تاہم کوئی جانی نقصان نہیں ہوا۔